Paribasa Sunda C: Béda antarrépisi

Konten dihapus Konten ditambahkan
Uchup19 (obrolan | kontribusi)
Uchup19 (obrolan | kontribusi)
Tidak ada ringkasan suntingan
Baris ka-1:
==C==
*“[[Caang bulan dadamaran]].” Migawé hal nu teu perlu deui.
*“[[Caang bulan opat welas, jalan gedé sasapuan]].” Rido pisan.
*“[[Caang padang narawangan]].” Caang pisan atawa bisa nénjo ku panon batin ka tempat gaib.
*“[[Cacah rucah atah warah]].” Somah nu dianggap taya ajenna sarta bodo.
*“[[Cadu mungkuk haram dempak]].” Sumpah yén bener-bener embung, atawa moal ngalampahkeun salah sahiji perkara.
*“[[Cadu ngalantung ka lisung]].” Henteu daék buburuhun (awéwé).
*“[[Cai asa tuak bari, kéjo asa catang bobo]].” Sagala teu ngeunah lantaran keur susah atawa keur gering.
*“[[Cai di hilir mah kumaha ti girangna]].” Rahayat leutik sok nyonto kalakuan parningpinna.
*“[[Caina hérang laukna beunang]].” Hasil maksud ku cara lantip bari teu aya pacengkadan.
*“[[Campaka jadi di reuma]].” Nu geulis urang kampung/lembur lain pipanteseunana aya di pasisian.
*“[[Cangkir emas eusi delan]].” omonganana mah alus nepi ka urang jadi percaya jeung kataji, tapi haténa jahat jeung matak bahaya ka urang.
*“[[Cara bueuk meunang mabuk]].” ngeluk baé, teu lemék teu carék, euweuh hojah, euweuh karep, euweuh kahayang sabab éra tawa sieun.
*“[[Cara gaang katincak]].” anu tadina rame kacida, ayeuna mah jadi jempling pisan.
*“[[Cara hurang, tai ka hulu-hulu]].” Bodo pisan.
*“[[Cara jogjog mondok]].” carekcok baé, mani gandéng nacer.
*“[[Cara simeut hiris, tai kana beuheung beuheung]].” Pohara bodona, beunang dibobodo atawa ditipu ku batur.
*“[[Carincing pageuh kancing, saringset pageuh iket]].” Taki-taki ngajaga kaamanan, mageuhan tulak jeung sajabana, bisi aya bancang pakéwuh.
*“[[Cécéndét mandé kiara]].” Nu leutik nyaruaan anu gede, nu miskin nyaruaan nu beunghar.
*“[[Cécéndét mandé kiara, cileuncang mandé sagara]].” Nu miskin atawa jalma leutik hayang nyaruaan nu beunghar.
*“[[Cicing dina sihung maung]].” Nganjrek di jelema anu nyusahkeun atawa bakal nyilakakeun ka diri urang.
*“[[Cikaracak ninggang batu, laun-laun jadi legok]].” Awahing ku leukeun, laun-laun jadi bisa. Ku dileukeunan mah sakumaha héséna gé lila lila jadi bisa (najan bodo asal leukeun diajarna lila lila ogé tangtu bisa).
*“[[Cilaka dua belas]].” Cilaka pohara.
*“[[Cileuncang mandé sagara, cécéndét mandé kiara, hunyur nandéan gunung]].” Nyaruaan ka jelema anu saluhureun harkatna, darajatna atawa pangabogana.
*“[[Ciri sabumi cara sadésa]].” beda tempatna, béda deui adat jeung kabiasaanana.
*“[[Clik putih clak hérang]].” Kaluar tian hate anu beresih, rido pisan, teu aya geuneuk maleukmeuk.
*“[[Congo-congo ku amis, mun rék amis gé puhuna]].” Anak-anakna teu bageur, da kolotna oge henteu nyontoan.
*“[[Cueut ka hareup]].” Tereh maot, geus kolot.
*“[[Cueut ka nu hideung, ponténg ka nu konéng]].” Teu adil, pilih kasih.
*“[[Cukang tara néangan nu ngising]].” Nu hayang ditulungan sapantesna datang ku maneh kanu rek dipentaan tulung.
*“[[Cukup belengur baraga naya]].” Resep méré ka batur, bari teu ngingetkeun kaperluan sorangan.
*“[[Cul dogdog tinggal igel]].” Ninggalkeun gawé baku lantaran ngalampahkeun pagawéan séjén nu teu aya hasilna.