|
==D==
*“[[Daék macok, embung dipacok]].” Jelema nu hayang meunang (untung) sorangan, daék menta embung dipénta.
*“[[Dagang oncom rancatan emas]].” Modal nu kacida gedéna, ari nu dijual jeung diarah batina teu sabaraha.
*“[[Dagang peda ka Cirebon]].” Dagang barang ka tempat nyieun éta barang.
*“[[Dagang pindang ka Cirebon]].” Dagang barang ka tempat nyieun éta barang.
*“[[Dah bawang dah kapas]].” Jual-beuli kontan; tah barangna tah duitna.
*“[[Dahar kawas meri]].” Uprat-apret jeung ngaréméh.
*“[[Daharna sakésér daun]].” Daharna mindeng pisan.
*“[[Daluang katinggang mangsi]].” Susuganan katuliskeun aya jodo (waris).
*“[[Datang katénjo tarang, undur katénjo punduk]].” Tatakrama nu amit-amitan, némbongkeun yen taya geuneuk maleukmeuk atawa teu serong salingkuh.
*“[[Déngdék tapi maliding sanak]].” Pilih kasih, teu adil.
*“[[Desa maca cara nagara mawa tata]].” Ngagambarkeun yen kaayaan jeung adat kabiasaan di desa jeung kota (nagara) teh beda-beda.
*“[[Deukeut deuleu pondok léngkah]].” Kurang pamandangan jeung teu bébas dina indit-inditan.
*“[[Deukeut-deukeut anak taleus]].” Sakitu padeukeut teu nyaho yén baraya atawa aya kajadian penting di salah saurang di antara maranéhanana.
*“[[Deungeun-deungeun haseum]].” Taya baraya saeutik-eutik acan.
*“[[Di bawah tangan]].” Teu maké saksi ti pihak nu resmi.
*“[[Dibéré sabuku ménta sajeungkal, dibéré sajeungkal ménta sadeupa]].” Lantaran dibéré wani saeutik, jadi beuki loba paméntana sarta nyalutak (jalma kurang ajar).
*“[[Didagoan ku sééng nyéngsréng]].” Dipikabutuh ayeuna.
*“[[Didago-dago tilewu]].” Hanas didagoan, ari pék teu datang.
*“[[Dihin pinasti, anyar pinanggih]].” Sagala nu kaalaman ayeuna saestuna geus ditangtukeun ti heula ku Pangeran; baheula ditangtukeunana, ngan kakara ayeuna kalakonanana atawa kapanggihna.
*“[[Dihurunsuluhkeun disakompétdaunkeun]].” Disamarutkeun jeung nu boga dosa; nu goreng saurang, kabeh kababawa.
*“[[Dihurunsuluhkeun]].”
*“[[Dijieun hulu teu nyanggut, dijieun buntut teu ngépot]].” Teu beunang dijeujeuhkeun, taraeucreug baé.
*“[[Dijieun lalab rumbah]].” Disapirakeun, henteu diajenan.
*“[[Dikepung wakul buaya mangap]].” Dikepung ku musuh anu samakta ku pakarangna.
*“[[Dikungkung teu diawur, dicangcang teu diparaban]].” Ditambang, ditalak henteu, dinapakahan oge henteu; dipiara tapi teu diurus dahar-pakena.
*“[[Diperih pati turta gawé]].” Dibere papancén nu kacida beuratna, bisa jadi kudu nemahan pati.
*“[[Dipiamis buah gintung]].” Disangka hadé jeung bageur, tapi buktina goréng jeung jahat.
*“[[Dipisudi méré budi]].” Dipiharep kalah ngambek, ngabaeudan.
*“[[Disakompétdaunkeun]].”, dihurun suluh dihijikeun bae, disaruakeun bae, teu dibeda beda.
*“[[Disiksik dikunyit-kunyit, dicacag diwalang-walang]].” Dihukum pati, dihukum beurat pisan.
*“[[Disuhun dina embun-embunan]].” Ditarimakeun pisan.
*“[[Ditangtang diténgténg dijieun bonténg sapasi]].” Dianggap aneh atawa model.
*“[[Ditilik ti gigir lenggik, disawang ti tukang lenjang, diteuteup ti hareup sieup]].” Kekecapan keur awéwé anu kacida geulisna, taya cawadeunana.
*“[[Ditiung méméh hujan]].” Kudu iatna saméméh cilaka.
*“[[Ditiung sanggeus hujan]].” Kakara iatna sanggeus karuhan cilaka, lain saméméhna nyegah picilakaeun.
*“[[Dogong-dogong tulak cau, geus gedé dituar batur]].” Ngalindeukan lanjang (mojang) pipamajikaneun, ari geus meujeuhna dikawin kop ku batur.
*“[[Dosa salaput hulu]].” Dosa anu geus kacida lobana.
*“[[Dug hulu pet nyawa]].” Usaha satékah polah méh taya eureunna.
*“[[Dug tinetek pet nyawa]].” Digawé beurat méh taya eureunna.
| 