Paribasa Sunda P: Béda antarrépisi

*"[[Paanteur-anteur julang]]." silih anteur nepi ka aya dua tilu kalina.

*"[[Pacikrak ngalawan merak]]." Tangtu éléhna sabab nu leutik ngalawan anu gedé.

*"[[Pada rubak sisi samping]]." Sarua baé pada loba luangna, pada loba pangalamanana.

*"[[Pagirang girang tampian]]." Paunggul unggul dina néangan pangupa jira (Paunggul unggul nyiar rejeki, teu daék silih séblokan).

*"[[Paheuyeuk heuyeuk leungeun]]." Silih bantuan, silih bélaan, silih tulungan.

*"[[Pait daging pahang tulang]]." Arang gering; cageur teu keuna ku panyakit naon baé.

*"[[Pakotrék iteuk]]." Laki rabi ti ngongora napi kakolot pisan, pada pada geus jadi aki-aki nini-nini.

*"[[Paluhur-luhur diuk]]." pagedé gedé kauntungan dina nyiar kipayah.

*"[[Panday tara bogaeun bedog]]." Sasarina ari tukang mah sok tara bogaeun.

*"[[Papadon los ka kolong]]." Cidra jangji, teu nedunan jangjina.

*"[[Peureum kadeuleu beunta karasa]]." Inget baé, teu bisa poho; biasana mah lain kana barang tapi ka jelema anu dipikancinta.

*"[[Piit ngeundeuk ngeundeuk pasir]]." mikarep kaanu lain babadna, tangtu moal kasorang.

*"[[Pindah cai pindah tampian]]." Robahna tempat matuh robah adat jeung kabiasaan.

*"[[Pinter aling laing bodo]]." Pinter tapi embung kanyahoan ku batur, kusabab éta nyeta nyeta anu bodo.

*"[[Pipilih meunang nu leuwih, kocéplak meunang nu pécak]]." Milih kalawan ati ati pisan ku lantaran hayang meunang nu leuwih hade, ngan ahirna meunang nu leuwih goréng.

*"[[Piruruhan katengahimahkeun]]." Nu dusun didikan dibawa kana pasamoan.

*"[[Poék mongkléng buta rajin]]." Poék pisan.

*"[[Pondok jodo panjang baraya]]." Saha ogé jodo urang silaturahmi kudu tetep dijaga.

*"[[Pupulur méméh mantun]]." Menta ganjaran méméh aya jasa atawa menta buruhan méméh prak digawe.

*"[[Pur kuntul kari tunggul, lar gagak kari tunggak, tunggak kacuwatan daging]]." Dina cidrana anu diboréhan, boréh anu katempuhan, kudu mayaran hutang anu dipangnanggungkeun.