Bangkong Jeung Sidat

Aya anak baongkong diajar keneh ngomong, sakeudeung-keudeung disada, papanggih jeung sidat dina běběr; ari sidat teh nu sakarupa jeung bělut ayana dina běběr sisi laut. Bangkong moyok ka sidat, tina sabab pireu, tara disada, wangsulan sidat: Disada oge hanteu puguh alang ujurna, asup ngaco bae, malah matak niwaskeun ka diri. Jělěma nu ngadenge ngewaeun, meureun tuluy diběntur; rasa kula, měnding cicing manan ngaco mah.

Hartina: hade cicing manan ngomong hanteu puguh mah. Lodong kosong ngělěntrung.