Barudak Lalaki Jeung Bangkong

Aya barudak lalaki rada loba keur arulin, pada dugal-dugal ulin dina sisi situ, karĕsĕpannana mĕnturan bangkong, nu keur ngambang dina situ, loba nu keuna kana huluna, bangkong teuleum, barudak teh suka seuseurian tingcarikikik. Aya hiji bangkong lemek: eh barudak, kalakuan maneh kitu teh teu dipikir; maneh kabeh niyat ulin sukan-sukan, ari kami sabatur kabeh nyorang balai gĕde.

Hartina iyeu dongeng: taya kalakuan anu goreng, kajaba jalma nganteur kasukana, kajeun matak teu ngeunah ka deungeun-deugeun.

__________