Beurit Jeung Cubluk

Aya beurit hiji geus ngadenge beja bab pibalaieun manehna jeung baturna kabeh, nya eta ucing, jeung sajaba tidinya babaku manusa satru panggědena, tina reya akalna. Parěng dina hiji mangsa ti peuting, eta beurit leumpang, manggih tataheunan cubluk, di jěrona aya parab deëng sakeureut, beurit ngomong: Kami mowal kalakon nyatu deëng eta, tapi lamun diambeuan bae mah, mowal jadi kumaha. Ari geus kitu, beurit teh tuluy ngadeukeutan cubluk, sěja rek abus kana taheun cubluk, rek ngambeuan deëng; lila-lila antěl irungna kana sěsětilna, peundeut cubluk teh ninggang, beurit beunang ku taheun.

Hartina iyeu dongeng: Sagala pagawean goreng eta kudu singkiran sakali jeung ulah pisan-pisan wani deukeut, bisi kapukět ku panggawe goreng, nyaho-nyaho geus kakurungan.