Hayam Jago Jeung Barudak Awewe

Aya hiji nini-nini lampahna wĕkĕl digawe, unggal-unggal kongkorongok cocoöanana hayam jago, waktu subuh, nini-nini ngahudangkeun batur-baturna, dititah digawe sacabak-cabakna.

Batur-baturna pada girukeun kabeh ka eta hayam jago, tina kamělidannana, sangeuk hudang isuk-isuk sarta sangeuk digawe.

Rěměn ngomong jeung baturna, pokna: Si jago bangkawarah nu matak jadi kapusingan urang teh; lamun taya eta mah, juragan mowal tanghi isuk- isuk, meureun urang meunang seubeuh heës. Tina kagaretekannana sarta hayang leungit karudětan, hayam jago teh dipariyeuskeun beuheungna datang ka paeh, dosana ngan ku sabab sok kongkorongok subuh.

Sarehna si jago geus paeh, juraganana sasat kaleungitan jam, wantu-wantu geus kolot, hanteu bisa sare tibra, unggal-unggal ngalilir, batur-baturna diharudangkeun, meh pada hanteu bisa heës, tina rěměn dihudangkeun, tambah garetekna, cacakan lamun bisa mah, si jago teh meureun dihirupan deui bae. Hartina: lamun maneh hayang ngaleungitkeun kasusah, kudu dipikir masing asak, bisa jadi manan leungit anggur tambah.