Jalma Tukang Ngala Kai Jeung Monyet

Aya monyet lila nenjokeun kalakuan tukang ngala kai, meulahna gěpak-gěpuk, bangga kacida keur těrap pancir, ngarah babari beulahna. Pikir monyet teh: Naha eta jalma nu meulah kai teh kawas heseeun pisan, coba lamun kami moal hese cara kitu, krana geus ngintip kalakuannana, kami kaduga tumpangan oge, geus tangtu gampang bae, moal kitu. Barěng tukang kai keur pareng eureun nyingkah tidinya, monyet gancang bae turun ti luhur kai ngarabut pancir, nu keur nancéb dina kai keur dibeulah; baréng pancir dirabut, kai nu keur dibeulah teh ngaděmpet suku monyet, teu lila datang tukang kai teh, monyet dicěrěk beunang.

Hartina iyeu dongeng; rorosaänan sarta bumisa matak tiwas.