Manuk Kerak Tinggal Parungpung

Dina hiji leuweung aya manuk kerak muru parungpungna, tatapi parungpungna diandih ku ciung, nĕpi ka ĕndogan dina parungpung paranti kerak teh. Anak ciung barĕng keur humihid jangjangna, nu hiji anak ciung teh geus teu sabar ngadago usum, hayangeun hibĕr bae, rek bijil tina parungpungna; dicarek bari dipagahan ku indung bapana, tapi teu diestukeun. Barĕng kolot-kolotna keur parĕng nyaba, anak ciung nu hiji bijil tina parungpung, hibĕr; sarehning bulu jangjangna tacan pĕpĕk, hibĕrna teu jauh, tuluy ragrag bae kana taneuh, kapanggih ku budak angon, dipake karĕsĕpan ulin; sukuna hiji ditalian ku rara, tuluy disangsara sapowe jĕput. Barĕng geus pĕpĕk jangjangna, boga karep rek hibĕr, ngan supaya pageuh dicangcang sukuna, maksa bae hibĕr satakĕr tanagana; ĕnya bisa lesot tina cangcangannana, tapi sukuna sabeulah deui sĕmpal, tinggaleun dina cangcangan, geus jadi cacad sapanjangna hirup, sarta jadi gawe dulur-dulurna nu wĕlaseun ngingonan, dipĕrnahkeun dina dungus.

Hartina iyeu dongeng: ulah kareyaän teuing sĕja rek mawa maneh, lamun maneh tacan kaconggah ku akal, saluputna oge manggih tiwas cilaka saumur-umur.

__________