Monyet Jeung Buwah Sanintĕn

Hiji monyet nimu buwah sanintĕn tina jukut, buwah sanintén aya keneh kulitna; tuluy digegelan, sĕjana rek dihakan eusina, tatapi hese dihakanna, bawaning teuas sarta cucukan cangkangna.

Aya hiji monyet nenjo kalakuan baturna ti kaänggangan, nyeungseurikeun bae ka nu ngokosan sanintĕn; carek monyet anu nimu sanintĕn teh: Ulah kacida teuing maneh nyeungseurikeun ka kami, aing teu samar kana buwah iyeu, ari cangkangna rada teuas sarta cucukan, tatapi sikina pulěn sěmu amis, asa buwah gayam.

Hartina iyeu dongeng: sagala kabisaän jeung kanyaho mimitina mah hanteu matak rĕsĕp, malah matak hese, tapi lamun ditĕmĕnan, jadi bisa sarta hasil.

__________