Singa-Barong Jeung Ĕmbe

Aya singa-barong ngadeuleu ĕmbe cicing dina gawir luhur, karĕpna singa-barong rek nyatu ĕmbe, rek ditaekan teu bisaeun, tuluy bae ngomongan manis: Keur naon nya gawe maneh aya didinya? maneh anggur turun kadiyeu, reya jukutna jeung ruyuk reya nu jaradi, sakur nu sok dihakan ku maneh.

Ĕmbe lemek bari seuri: Ari omong maneh nya alus pisan, sabab ĕnggonna sorangan, tatapi teu ngarah ka salamĕt kami, ngan ngarah seubeuh beuteung maneh bae, malar supaya kami aya dina ĕnggon anu kaconggah ku maneh, iyeu gawir mowal beunang diunggahan ku maneh.

Hartina iyeu dongeng: Ulah pĕrcaya kana pirĕmpug jĕlĕma akal jurujana; pirĕmpugna ngan ngarah hasil kana awakna sorangan bae, teu pisan mere hasil ka nu liyan mah.

__________