Singa-Barong Jeung Beurit

Aya, beurit hiji, wani-wani unggah kana gigir singa-barong keur heës, singa-barong kaget tuluy nyaring, sarta beurit teh dicapluk.

Sasambatna beurit teh: eh gusti! mugi-mugi aya pangampura dalem ka abdi, tina jalan panjěněngan dalěm nu leuwih pěrkosa, sarta gěde wawanen, nepami rek maehan abdi nu apěs cara kiyeu, panjěněngan dalěm geus tangtu hamo sae kakongaskeunnana, jadi ngahandapkeun kana kaluhuran dalěm.

Beurit teh dihampura sarta geuwat dilepotkeun, barina ngomong: Ku aing dikėncarkeun deui soteh, ngan tina karunya bae, aing hanteu ngarěp -ngarep kana pamalės maneh.

Teu kungsi lawas, singa-barong keuna ku rawe, amběkna meyak-meyakkeun tanaga, ngarah lesot tina rawe, tatapi teu boga beubeunangan, matak siyeun malah beuki kacida meulitna; gěrona kacida, sagala sato-sato kabur lalumpatan sakarep-karepna, ngan beurit teya anu hanteu siyeuneun teh, malah-malah nulungan, gancang nyampeurkeun, tuluy rawe teh dikěrět sarta ku beurit, singa-barong bisa ngěncar deui, sarta rumasa, lamun hanteu ditulungan ku beurit, meureun datang ka paeh,sarta rumasa nyacampahna tadi salah.

Hartina iyeu dongeng: nyiyeun kahadean sărta nyаäh ka sasama hirup, tangtu aya ganjarannana; sanajan ka nu leutik, karana hanteu mustail, rajeun oge kuring bisa nulung gede ka menak.